बरुआ मांगे बाईक
उपनैन खूब धूम धाम सं मनाबी,एहन सपना लोग देखईत अछि, सेहो लोक जे गाम में रहैत त नहि छथि मुदा जे एखनो अपन जन्मस्थान सं जुड़ल छथि आ ईच्छा छनि जे हुनकर बालो बच्चा गाम सं जुड़ल रहनि।मुदा आई काल्हिक बच्चा ने जनऊअक महत्व नहि बुझई छैक आ ने टीकक आवश्यकता ।माथ पर टीक,आ कान पर जनेऊ लपेट क लधुशंका केनाई , ई आबक समय में बहुत कम देखाईत अछि, विशेष क युवा जन मे ,हुनका लाज होई छनि। अपन संस्कृति क प्रति हीन भावना ,ई मिथिलाक लेल दुर्भाग्यपूर्ण छैक।ओ सब अतेक ताम झामक कोनो प्रयोजन नहि बुझई छथि। तैं ओ कहैत अछि,
इससे अच्छा मुझे एक बाईक दिलवा देते।
बच्चा के ई कहनाई हमरे सबके ऐना देखेनाई अछि। शहरी एकल परिवार के बच्चा,जकर दुनिया माय बाप,भाय बहिन तक सीमित भेल जा रहल अछि, ओ सब कखनो काल हफ्ता दस दिनक लेल गाम गेले सं की ओ बाबा बाबी,च्चा चाची के गेस्ट बुझईत अछि।ऐना में ओकरा अपन गाम, परिवार सं लगाव कियैक हेतई ?
एखुनका समय संक्रमणकाल अछि |तेजी स बदलैत विचार धारा ,रहन –सहन ,खान –पीन,स्थान- परिवेष |लोग दुविधा में पड़ल अछि |करी त की करी ?एकदम्मे आधुनिक बनल जाय ,या सनातन व्यवस्था के पकड़ने रहि ?अप्पन परम्परा के छोड़नाई उचित नहि छैक मुदा ओहि मे जौं किछु संशोधन केला सं जौं एकर मूल स्वरूप अथवा उद्देश्य मे कनेको अंतर नहि बुझाइत होइ त किछु फेर बदल हेबाक चाहि, विशेषतः समयाभाव क कारण।ओना त,बंसकट्टी सं, शुरुआत एक मासपहिने कैल जाइ छई,मुदा अगर सबटा विध व्यवहार एक सप्ताह तक समटा जाई त,नोकरीहारा लोग के सुविधा होयतैक। मैथिल ब्राह्मण सब अपन गाम छोड़ि बाबाधाम या हरिद्वार में उपनैन करय लागल छथि। कारण समयाभाव त छहिए दोसर दिनों-दिन यज्ञोपवीत संस्कार,आब अपन वैभव प्रदर्शन -आयोजन भेल जा रहल अछि।एखन परिस्थिति ई भेल जा रहल अछि जे सामर्थ्य नहियो रहला पर देखा देखी में आदमी खर्चक चक्की में पिसा जाईयै। तैं ओ एहन परिस्थिति सं बचबा क लेल बाबाधाम क शरण में जाय लेल मजबूर अछि।
कोनो संस्कृति, भाषा, व्यवस्था,तखने दीर्धकालीन होईत छई जखन ओ समयाकूल परिवर्तन के स्वीकार करैत अछि। अपन गाम क आयोजन सन शोभा-सुंदर,आनठाम कतय?
उपनैन खूब धूम धाम सं मनाबी,एहन सपना लोग देखईत अछि, सेहो लोक जे गाम में रहैत त नहि छथि मुदा जे एखनो अपन जन्मस्थान सं जुड़ल छथि आ ईच्छा छनि जे हुनकर बालो बच्चा गाम सं जुड़ल रहनि।मुदा आई काल्हिक बच्चा ने जनऊअक महत्व नहि बुझई छैक आ ने टीकक आवश्यकता ।माथ पर टीक,आ कान पर जनेऊ लपेट क लधुशंका केनाई , ई आबक समय में बहुत कम देखाईत अछि, विशेष क युवा जन मे ,हुनका लाज होई छनि। अपन संस्कृति क प्रति हीन भावना ,ई मिथिलाक लेल दुर्भाग्यपूर्ण छैक।ओ सब अतेक ताम झामक कोनो प्रयोजन नहि बुझई छथि। तैं ओ कहैत अछि,
इससे अच्छा मुझे एक बाईक दिलवा देते।
बच्चा के ई कहनाई हमरे सबके ऐना देखेनाई अछि। शहरी एकल परिवार के बच्चा,जकर दुनिया माय बाप,भाय बहिन तक सीमित भेल जा रहल अछि, ओ सब कखनो काल हफ्ता दस दिनक लेल गाम गेले सं की ओ बाबा बाबी,च्चा चाची के गेस्ट बुझईत अछि।ऐना में ओकरा अपन गाम, परिवार सं लगाव कियैक हेतई ?
एखुनका समय संक्रमणकाल अछि |तेजी स बदलैत विचार धारा ,रहन –सहन ,खान –पीन,स्थान- परिवेष |लोग दुविधा में पड़ल अछि |करी त की करी ?एकदम्मे आधुनिक बनल जाय ,या सनातन व्यवस्था के पकड़ने रहि ?अप्पन परम्परा के छोड़नाई उचित नहि छैक मुदा ओहि मे जौं किछु संशोधन केला सं जौं एकर मूल स्वरूप अथवा उद्देश्य मे कनेको अंतर नहि बुझाइत होइ त किछु फेर बदल हेबाक चाहि, विशेषतः समयाभाव क कारण।ओना त,बंसकट्टी सं, शुरुआत एक मासपहिने कैल जाइ छई,मुदा अगर सबटा विध व्यवहार एक सप्ताह तक समटा जाई त,नोकरीहारा लोग के सुविधा होयतैक। मैथिल ब्राह्मण सब अपन गाम छोड़ि बाबाधाम या हरिद्वार में उपनैन करय लागल छथि। कारण समयाभाव त छहिए दोसर दिनों-दिन यज्ञोपवीत संस्कार,आब अपन वैभव प्रदर्शन -आयोजन भेल जा रहल अछि।एखन परिस्थिति ई भेल जा रहल अछि जे सामर्थ्य नहियो रहला पर देखा देखी में आदमी खर्चक चक्की में पिसा जाईयै। तैं ओ एहन परिस्थिति सं बचबा क लेल बाबाधाम क शरण में जाय लेल मजबूर अछि।
कोनो संस्कृति, भाषा, व्यवस्था,तखने दीर्धकालीन होईत छई जखन ओ समयाकूल परिवर्तन के स्वीकार करैत अछि। अपन गाम क आयोजन सन शोभा-सुंदर,आनठाम कतय?
